O vindeiro 26 de abril de 2016 a Estación de Viticultura e Enoloxía de Galicia (EVEGA) celebrará unhas xornadas técnicas co título “Formación de expertos en análise sensorial. Novas tendencias nos viños galegos” na Estación Experimental de Viticultura e Enoloxía en Ribadumia.
Neste taller práctico os asistentes poderán coñecer os procesos de adestramento do olfacto e o gusto a través do recoñecemento de olores e sabores básicos e a realización de probas de recoñecemento das mesmas. Así mesmo aprenderán a detectar o limiar de percepción de cada substancia en valoración. O taller rematará coa cata e identificación dun viño branco e un tinto de cada unha das cinco Denominacións de orixe de Galicia.
Colaboran nesta xornada o CRDO Rías Baixas, a Asociación Galega de Enólogos e o Instituto Galego da Calidade (INGACAL)
