FENOLOXÍA
Antecedentes
Coñecido dende a antigüidade na DO Ribeiro. Freijanes e Alonso (1997) cítana como cultivada na zona de transición da rexión galega. Estudos de filoxenia indican que se enmarca na linaxe con orixe en Caíño Bravo.
Situación actual
Variedade minoritaria que actualmente forma parte de parcelas plurivarietais na comarca do Ribeiro e zona limítrofe do Condado.
Valoracións sobre o seu cultivo
Variedade de agromada serodia e maduración media; produción alta en relación a Mencía; sensibilidade baixa á botrite, media a oídio e media-alta a mildeu. En maduracións axeitadas produce viños de graduación media-alta (varía entre 11,2-13,6%v/v), acidez media-alta (varía entre 6,36 g/L-10,9g/L) e pH baixo. Os viños son estruturados, de persistencia alta con certa adstrinxencia, con aromas a froitos roxos e herba fresca; posúe un alto contido fenólico.
Descrición morfolóxica
O pámpano novo presenta a extremidade aberta con peluxe tombada de densidade media e pigmentación reberetada de intensidade débil. A cara dorsal e ventral dos entrenós e nós é verde.As xemas presentan pigmentación antociánica de intensidade débil que alcanza ata ¾ da base da bráctea.
A folla nova é bronceada con peluxe tombada de densidade media.
A folla adulta de cor verde media presenta tamaño medio e forma pentagonal, con cinco lóbulos; peluda; con densidade media de pelos tombados entre os nervios principais do envés do limbo, e baixa de pelos ergueitos entre e sobre estes; perfil alabeado; limbo con inchazón débil; dentes de lados convexos, de lonxitude curta en relación á súa anchura; seo peciolar con lóbulos pouco abertos e coa base en forma de U; seos laterais superiores abertos coa base en forma de V; pecíolo lixeiramente máis curto que o nervio principal.
O acio é cónico, longo, ancho, de compacidade media e con presenza de 3 ou 4 ás. O pedúnculo é de lonxitude curta.
O bago de cor azul negra presenta forma elíptica curta.
Caracterización molecular
| Microsatélites | VVS2 | VVMD5 | VVMD7 | VrZag47 | VrZag62 | VrZag79 | VVS29 | VVS5 | ||||||||||||||||
| Pb. |
|
|
|
|
|
|
|
|
| Microsatélites | VVS2 | VVMD5 | VVMD7 | VrZag47 | ||||||||
| Pb. |
|
|
|
|
| Microsatélites | VrZag62 | VrZag79 | VVS29 | VVS5 | ||||||||
| Pb. |
|
|
|
|