FENOLOXÍA
Antecedentes
García de los Salmones (1914) cítaa como cultivada nas catro provincias galegas, concretamente en Lugo, coa denominación Verdello Rubio. A súa orixe xenética é a liñaxe de Caíño Bravo (Díaz-Losada et al., 2010).
Situación actual
Non está contemplada no Rexistro de variedades comerciais, nin no regulamento das DD.OO. para a elaboración de viños. Localizáronse cepas centenarias formando parte de parcelas plurivarietais na DO Ribeiro e en zonas limítrofes aesta.
Valoracións sobre o seu cultivo
Variedade de brotación e maduración tardía. Forma parte de viños plurivarietais e produce viños con valores medios de graduación alcohólicade 12,8% e acidez de 7,6 g/L.
Descrición morfolóxica
O pámpano novo presenta a extremidade aberta con peluxe tombada de densidade baixa e pigmentación reberetada de intensidade forte. A cara dorsal do entrenó e do nó é de cor verde e vermella. As xemas presentan pigmentación antociánica que afecta case toda a bráctea e de intensidade forte.
A folla nova é verde con peluxe tombada de densidade media.
A folla adulta de cor verde media presenta tamaño medio e forma pentagonal, con cinco lóbulos; peluda, con densidade baixa de pelos tombados entre os nervios principais do envés do limbo; perfil plano; limbo con avultamento e inchazón débil; dentes de lados rectilíneos, de lonxitude curta en relación á súa anchura; seo peciolar con lóbulos semiabertos e coa base en forma de U delimitada pola nervadura nun lado; seos laterais superiores con lóbulos lixeiramente superpostos e coa base en forma de V; pecíolo lixeiramente máis curto que o nervio principal.
O acio é cónico, curto, de anchura e compacidade media e con presenza de 1 ou 2 ás. O pedúnculo é de lonxitude moi curta.
O bago de cor verde amarela presenta forma elíptica curta.
Caracterización molecular
| Microsatélites | VVS2 | VVMD5 | VVMD7 | VrZag47 | VrZag62 | VrZag79 | VVS29 | VVS5 | ||||||||||||||||
| Pb. |
|
|
|
|
|
|
|
|
| Microsatélites | VVS2 | VVMD5 | VVMD7 | VrZag47 | ||||||||
| Pb. |
|
|
|
|
| Microsatélites | VrZag62 | VrZag79 | VVS29 | VVS5 | ||||||||
| Pb. |
|
|
|
|